ابوذيات حلوه

قلم گلبي تداين ورقه منك
لان ماكو بجمالك وارقه منك
اسجلك انته الاول ورقمنك
واكتب لافته حبك بس اليه

الشوك بالصدفه وياك قابلاني
وشيجي منك علي قابل اني
تقشمرني بكلامك قابل اني
غشيم وتعبرهن عليه

الوكت تعبني انا هواي يمي
واحن واشتاك واتخايلج يمي
نسانس الفرح بس الحزن يمي
واخذ مني اعز الناس اليه

الك كعده بدليلي ودار من دار
وعلى غيرك حبيبي النظر مندار
العين فراش الك والكلب مندر
واذا مو كطن اصلي اعتب عليه

جرى دمعي على الوجنات يا حيف
على ناس الما توافي التعب يا حيف
انا الجنت اخوف خفت يا حيف
ولذت بالجانو يلوذون بيه

وحق حيدر علينا وذريته
ودليلي بسيف هجرك وذريته
جمهت ارماد كلبي وذريته
بدربك يالكطعت والوصل بيه

عرفتك وعرفت لغزك وحلاك
وحك من جملك ياسمر وحلاك
جذب من ايدي اهدنك واحلك
لانك روحي وفراكك منيه

اكتب شما ردت تكتب ورد لك
ازعل وابتعد عنك ورد لك
بساتين بوسط كلبي ورد لك
شما تبعد تضل غالي عليه

راس المال انته والتجاره
وعليك العين تدمع وتجاره
سعيد الاصر جارك وانته جاره
يشوفك كل صباح وكل مسيه

سجاجين الدهر بحشاء يعمن
وعليك عيوني من الدمع يعمن
ترى يا ناس عليوي حلو يعمن
لان صاحب شلش بيه الحميه

تحياتي للجميع وانشاء الله تعجبكم

شكرا على هذه البوذيات الجميله تقبلي مروري

» اروع ابيات شعر الغزل الذي عرفته